Нууцлалын бодлого

Хүчин төгөлдөр болсон: 2026 оны 10-р сарын 22

SuperBot платформыг Фрактал Смарт Сольюшнс ХХК (Fractal Smart Solutions LLC, цаашид "бид") эзэмшиж, ажиллуулдаг. SuperBot нь бизнесүүдэд Facebook Messenger чатбот бүтээх, хэрэглэгчидтэйгээ харилцах, төлбөр хүлээн авах боломж олгодог платформ юм. Энэхүү бодлого нь бид ямар мэдээлэл цуглуулж, хэрхэн ашиглаж, хамгаалдгийг тайлбарлана.

1. Бидний цуглуулдаг мэдээлэл

Платформын хэрэглэгч (бизнес эрхлэгч):

• Нэр, имэйл хаяг, нууц үг (нууц үгийг зөвхөн нэг талын шифрлэлтээр хадгална)
• Холбосон Facebook хуудасны нэр, ID, хандалтын token
• QPay merchant тохиргоо

Бизнесийн Messenger-ээр холбогдсон хэрэглэгч:

• Facebook-аас олгосон хуудсанд зориулсан ID (PSID), нэр, профайл зураг
• Чатботтой солилцсон мессеж, товч дарсан үйлдэл
• Хэрэглэгч өөрөө оруулсан мэдээлэл (жишээ нь имэйл, утас) — бизнесийн чатбот асуусан тохиолдолд
• Захиалга, төлбөрийн төлөв (картын мэдээллийг бид хадгалдаггүй, төлбөрийг QPay боловсруулна)
• Facebook пост дээр бичсэн коммент — бизнес коммент автомат хариулт идэвхжүүлсэн тохиолдолд

2. Мэдээллийг ашиглах зорилго

• Чатботын автомат хариулт, мессеж илгээх үйлчилгээ үзүүлэх
• Бизнесийн операторууд хэрэглэгчтэй харилцах (Live чат)
• Захиалга, төлбөрийг боловсруулах
• Платформын аюулгүй байдлыг хангах, алдааг засах

Бид мэдээллийг зар сурталчилгааны зорилгоор гуравдагч этгээдэд худалддаггүй.

3. Мэдээлэл хуваалцах

• Meta Platforms (Facebook): мессеж илгээх, хүлээн авахад Messenger Platform API-г ашиглана.
• QPay: төлбөрийн нэхэмжлэх үүсгэх, шалгахад шаардлагатай мэдээлэл (дүн, тайлбар).
• Хуулийн шаардлага: Монгол Улсын хууль тогтоомжийн дагуу эрх бүхий байгууллагын хүсэлтээр.

Messenger хэрэглэгчийн мэдээлэл нь тухайн бизнесийн workspace-д хамаарах бөгөөд өөр бизнест харагдахгүй.

4. Хадгалалт ба хамгаалалт

• Бүх холболт HTTPS (TLS) шифрлэлтээр явагдана.
• Workspace бүрийн өгөгдөл хоорондоо тусгаарлагдсан.
• Мэдээллийг бизнес идэвхтэй ашиглаж байх хугацаанд хадгална. Workspace устгахад холбогдох бүх мэдээлэл бүрмөсөн устгагдана.

5. Таны эрх

Та өөрийн мэдээллийг харах, засах, устгуулах, мессеж хүлээн авахаас татгалзах эрхтэй. Messenger-ээр мессеж хүлээн авахаа зогсоохыг хүсвэл тухайн хуудсанд "stop" гэж бичих эсвэл чатыг устгаж болно. Мэдээллээ устгуулах талаар өгөгдөл устгах заавар-аас үзнэ үү.

6. Хүүхдийн нууцлал

Манай платформ 13-аас доош насны хүүхдэд зориулагдаагүй бөгөөд бид тэдний мэдээллийг санаатайгаар цуглуулдаггүй.

7. Өөрчлөлт

Бид энэхүү бодлогыг шинэчилж болох бөгөөд томоохон өөрчлөлтийн талаар платформоор дамжуулан мэдэгдэнэ.